Suplementet

Lënda vepruese: Magnez
Indikimet: ABSOLUTE MG është një integrator i përshtatshëm në rastet e mungesës së magnezit.Magnezi është një lëndë minerale esenciale për organizmin pasi që është i përfshirë drejtpërdrejt në disa procese siç janë:
● Metabolizmi energjetik;
● Ekuilibri i elektrolitëve;
● Funksionimi i sistemit nervor dhe muskular;
● Funksioni psikologjik;
● Zhvillimi i drejtë i eshtrave dhe i dhëmbëve
● Biosinteza e proteinave dhe ndarja qelizore.
ABSOLUTE MG ka shumë veprime:
● Energjizant i shkëlqyeshëm;
● Parandalon fillimin e ngërçeve muskulare;
● Kontrollon ekuilibrin e pH-së në traktin
gastrointestinal duke duke i ndihmuar të gjitha
proceset e tretjes;
● Zvogëlon ankthin;
● Zvogëlon ngacmueshmërinë gjatë mentruacioneve; vepron në muskuj dhe ndihmon në zvogëlimin e ngërçeve të shkaktuara nga dhimbja menstruale.
Dozimi:
ABSOLUTE MG 10 qese prej 2 g secila (vetëm magnez 215 mg). Të vogla, praktike dhe të shpejta për t’i tretur drejtpërdrejt në gojë.

Lëndët vepruese: Një tabletë përmban: Vitaminë C 200 mg,Tiaminë 3 mg, Riboflavinë 3 mg, Niacinë 32 mg, Vitaminë B6 3 mg, Vitaminë B12 5 mcg, Vitaminë D3 15 mcg, Acid folik 400 mcg, Hekur 29.5 mg, Zink 15 mg, Bakër 2 mg, Mangan 4 mg, Jod 225 mcg, Selen 83 mcg, Lactobacillus acidofillus 1 bilion, Likopen 0.75 mg
Një kapsulë e butë xhelatinoze përmban: Vaj peshku 1000 mg, nga i cili acid eikosapentaenoik (EPA) përmban 180 mg dhe acid dokosaheksaenoik (DHA) përmban 120 mg.
Indikimet.
GESTAMAM është një shtesë ushqimore në formë të multivitaminave dhe
multimineraleve bifazike, me acide yndyrore Omega-3, ku bëjnë pjesë acidi eikosapentaenoik (EPA) dhe acidi dokosaheksaenoik (DHA) të cilët janë të aftë të mbështesin dhe të plotësojnë kërkesat ushqimore të organizmit, duke ju përgjigjur nevojave ushqyese të gruas në mënyra të ndryshme dhe specifike në intervalin e konceptimit gjatë shtatzënësisë dhe pas lindjes.
Mënyra e përdorimit: Një tabletë dhe një kapsulë xhelatinoze e butë në ditë duke i
shoqëruar me ujë dhe veç e veç në çdo kohë të ditës.

Lëndët vepruese: Hekur + Acid folik
Indikimet: Parandalimi i mungesës së hekurit dhe acidit folik gjate shtatzanisë. Ky produkt është një shtesë ushqimore që përdoret për të trajtuar apo për të parandaluar nivelet e ulëta të hekurit dhe të folateve në gjak (p.sh. anemia apo gjatë shtatzanise). Hekuri është një mineral i rëndësishëm i cili i nevojitet organizmit për të prodhuar qelizat e kuqe të gjakut (eritrocitet) dhe për ta mbajtur organizmin në gjendje të mirë shëndetësore. Ky produkt vepron më mirë nëse merret me stomak të zbrazët. IRON G PLUS + ACID FOLIK mund të përdoret me ushqim ose pas ushqimit në ato raste kur shkakton ngavmim të stomakut.
Dozimi: Një kapsulë në dite gjatë shtatëzanisë, apo siç rekomandohet nga mjeku.

Lëndët vepruese: Një qese(2.2 g) përmban 2.5 miliard UFC Saccharomyces boulardii dhe 0.27 mg riboflavinë.
Indikimet
LACTOBLOK falë përqendrimit të tij të lartë në mikroorganizmin probiotik të patentuar Saccharomyces boulardii DBVPG 6763 20 Mld UFC/g indikohet veçanërisht në raste të disbiozës, më shumë nga ç’ekuilibrimi i mikroflorës së zorrëve për shkak të terapisë me antibiotikë, kequshqyerjes apo stresit psiko-fizik.Produkti aplikohet në veçanti në subjektet e prekura nga episodet e diarresë akute, duke ndihmuar në rivendosjen e konsistencës natyrale të feçeve si dhe në lëvizshmërinë fiziologjike të zorrëve.
S.Boulardii i përmbajtur në Lactoblok vepron me tre mekanizma të ndryshëm:
- Ka aftësinë për t’u lidhur në lumenin e zorrëve me mikroorganizmat patogjen, veçanërisht E. Coli, duke formuar agregate të cilat lehtësisht nxirren nga zorra.Është gjithashtu në gjendje të inaktivizoj toksinat A dhe B të prodhuara nga Clostridium difficile përgjegjëse për 10 – 25 % të diarresë së shoqëruar nga terapia me antibiotikë.
- Ka demonstruar veprim antiinflamator gastrointestinal duke e ruajtur lidhjen qelizore dhe duke e ulur sintezën e citokinave inflamatore. Vepron përmes sekretimit të proteazës apo proteinës inhibitore,stimulimit të imunoglobulinës A, eliminimit të toksinave dhe ngjitjes me qelizat epiteliale,duke krijuar një konkurim me mikroorganizmat patogjenë për vendet e kolonizimit. LACTOBLOK mund të administrohet nga viti i parë i jetës.
Dozimi: Të rriturit: 1-2 qese në ditë.
Fëmijët: 1 qese në ditë.

Acidi alfa-lipoik (ALA) i njohur gjithashtu si acid tioptik është një molekulë që me kalimin e kohës i ka vërtetuar vetitë a tij antioksiduese si dhe vetitë në trajtimin e neuropatisë diabetike me një dozë ditore prej 2 herë nga 300 mg vetëm në rastin e formulimit me veprim të zgjatur(retard). Acidi alfa-lipoik (ALA) ka një kufizim në biodisponibilitet për shkak se molekula karakterizohet nga një gjysmë-jetë biologjike shumë e shkurtër (ndërmjet 1 dhe 2 orë) e cila përcakton një ulje në përqendrimin e përbërësit veprues për një kohë të shkurtër, që do të thotë se jo e gjithë lënda vepruese e marrë është përthithur dhe më pas shfrytëzuar nga organizmi. Një problem i tillë është tejkaluar me formulimin e ALA CRONO COMPLEX, falë matriksit të patentuar i cili garanton përthithjen e më shumë se 85 % të lëndës vepruese për më shumë se 9 orë. Prandaj me admininistrimin e dy kapsulave sigurohet një mbulim optimal ditor. Për të plotësuar formulën e ALA CRONO COMPLEX janë shtuar edhe acidi nervonik i cili është themelor për biosintezën e shtresës mielinike të qelizave nervore, vitaminat e grupit B (B3, B6,B12 ) për një funksionim më të mirë të sistemit nervor, dhe vitamina E e cila kontribuon në mbrojtjen e qelizave nga stresi oksidues.
Përdorimi. Të merren 1 ose 2 kapsula në ditë, pa ushqim.

Integrator ushqimor me bazë vitamine C
i cili kontribuon në mbrojtjen e qelizave
nga stresi oksidues. Përveç tjerash përdoret për rritjen e imunitetit.
Përbërësit: Vitaminë C e avancuar (acid askorbik i veshur me etilcelulozë
dhe acid tartrik).
Aromatizuesit: Fruta mali.
Mënyra e përdorimit: Këshillohet të
merren dy tableta në ditë duke i
përtypur (tretur) në gojë.

Lëndët vepruese: Një kapsulë përmban Spirulinë 560 mg dhe vitaminë C 140 mg Indikimet: Duke qenë një nga super ushqimet me profilin ushqyes më të fuqishëm se cilido ushqim tjetër Spirulina përmirëson sistemin imunitar dhe ofron një mbrojtje të shkëlqyer për funksionin e zemrës, mëlçisë dhe veshkave . Përveç kësaj Spirulina ul shtypjen e gjakut duke shkaktuar vazodilatacion përmes rritjes së nivelit të oksidit nitrik, ul nivelin e kolesterolit të keq LDL dhe të triglicerideve dhe rrit nivelin e kolesterolit të mirë HDL, vepron si hipoglicemiant, ndihmon në tretjen e ushqimit. Furnizimi i mjaftueshëm i vitaminës C përmes këtij produkti ndihmon edhe më shumë në mirëmbajtjen e funksionit imunitar gjatë dhe pas një stërvitjeje intensive fizike, i ndihmon organizmit në përthithjen e hekurit joorganik, në formimin normal të kolagjenit, dhe funksionit normal të kockave, dhëmbëve, kartilagjeve, gingivave, lëkurës dhe enëve të gjakut. Mënyra e përdorimit: Mund të merren 4 - 6 kapsula në ditë sipas rekomandimit të mjekut.

Lëndët vepruese: Acid folik 200 mcg, acid pantotenik 6 mg, vitaminë A 800 mcg, biotinë 50 mcg, vitaminë B1 1.1. mg, vitaminë B2 1.4 mg, vitaminë B3 16 mg, vitaminë B6 1.4 mg, vitaminë B12 2.5 mcg, vitaminë C 80 mg, vitaminë D3 5 mcg, vitaminë E 12 mg, luteinë 0.5 mg, kalcium 138.4 mg, krom 40 mcg, hekur 14 mg, jod 150 mcg, magnez 100 mg, mangan 2 mg,molibden 50 mcg, nukleotide Ribolife 50 mg, bakër 1 mg, selen 25 mcg, zink 10 mg, fosfor 107 mg.
Indikimet:
Ribovit indikohet për të:
● Përmirësuar metabolizmin dhe funksionet e trurit.
● Përforcuar memorien.
● Kompensuar shprehitë e këqija të të ushqyerit.
● Kompensuar mungesën e gjumit.
● Forcuar strukturën e eshtrave
● Forcoj organizmin gjatë konvaleshencës.
DOZIMI: Parapëlqehet të merret 1 tabletë në ditë, në mëngjes.

Shtesë ushqimore me vitaminë B2, B3, B5, B6, L-karnitinë dhe inozitol
Përbërësit: Sakarozë, ujë, lëndë aromatike, L-karnitinë, lëndë konzervuese, sorbat kaliumi, nikotinamid, vitaminë B3. Lëndët acidifikuese: Acid citrik; D-pantenol (vitaminë B5), inozitol, riboflavin 5 – monofosfat (vitaminë B2), klorhidrat piridoksine (vitaminë B6).
Indikimet
Vitaminat e grupit B marrin pjesë në shumë procese jetësore. Ato janë të dobishme për të prodhuar energji dhe për të favorizuar metabolizmin normal të proteinave dhe të
sheqernave në organizëm. Ato luajnë një rol të rëndësishëm në metabolizmin qelizor. Ribovit, tretësirë orale është veçanërisht i përshtatshëm në raste të lodhjes dhe të plogështisë kur kërkohet marrja e ekuilibruar e vitaminave të cilat kanë veprim tonifikues.
Dozimi: Fëmijët deri në 6 vjeç: Doza e rekomanduar është 5 ml në ditë të tretësirës orale duke përdorur matësin të cilin e përmban paketimi.
Fëmijët, të rriturit dhe të moshuarit: Doza e rekomanduar është 10 ml në ditë të tretësirës orale duke përdorur matësin të cilin e përmban paketimi.

IRON DROP është një shtesë ushqimore me bazë hekuri me lipozome. Hekuri kontribuon në formimin normal të rruazave të kuqe të gjakut (eritrociteve) dhe të hemoglobinës duke favorizuar formimin e rruazave të kuqe të gjakut dhe transportin e oksigjenit nëpër të gjithë organizmin. Ky gjithashtu favorizon funksionin fiziologjik të sistemint imunitar dhe ndihmon në uljen e lodhjes.
Përbërësit: Hekuri i cili përmbahet në IRONDROP është pirofosfat hekuri i veshur me amidon misri dhe me lecitinë nga luledielli, të cilat e rrisin biodisponibilitetin e tij
Mënyra e përdorimit: Hidhni 12 pika (15 mg hekur) në një lugë çaji apo tretini në ujë,
kos apo në lëngje frutash.

Lënda vepruese: Acid askorbik.
Indikimet:
Linja e parë e mbrojtjes së organizmit kundër radikaleve të lira të oksigjenit.
Siguron mbrojtje nga lëndët e oksiduara, të cilat janë helmuese për qelizat.
E dobishme kundër ftohjeve;
Përshpejton shërimin e plagëve;
Favorizon përthithjen në shkallë të lartë të hekurit;
Dozimi:
Nga 0 – 3 vjeç: doza e rekomanduar e VITAG Vitamina C është 8 pika në ditë, që janë të barasvlershme me 40 mg (800 IU)
Mbi moshën 3 vjeç: doza e rekomanduar është 10 pika në ditë, që janë të barasvlershme me 50 mg (1000 IU) deri në dozën prej 50 pika në ditë që janë të barasvlershme me 250mg (5000 IU)

Lënda vepruese: Kolekalciferol
Indikimet:
Në 12 muajt e parë të jetës pesha rritet mesatarisht për 3 herë dhe lartësia me 50 %. Shpejtësia e rritjes në fëmijët në vitet e para të jetës është e pabesueshme. Ushqimi i drejtë është thelbësor por shpesh jo i mjaftueshëm, pasi që qumështi i nënës, burimi kryesor i ushqimit të foshnjes, është i varfër me vitaminë D3, dhe fëmijët i ekspozohen
në mënyrë të pamjaftueshme dritës së diellit në muajt e parë të jetës. Për këto arsye përdorimi i VITAG Vitaminë D3 në formë të integratorëve ushqimor është i domosdoshëm.
Dozimi:
Mënyra e përdorimit:
Nga 0 – 3 vjeç: doza e rekomanduar e VITAG Vitamina D3 është 6 pika në ditë, që janë të barasvlershme me 7.5 mcg (300 IU)
Mbi moshën 3 vjeç: doza e rekomanduar është 8 pika në ditë, që janë të barasvlershme
me 10 mcg (400 IU).

Lëndët vepruese: Kolekalciferol + Filokinon
Indikimet:Kolekalciferoli (Vitamina D3) kontribuon në përthithjen fiziologjike të kalciumit dhe fosforit dhe për të përmirësuar funksionimin e sistemit imunitar.
Filokinoni (K1) kontribuon në koagulimin normal të gjakut.
Mungesa e vitaminës K1 te foshnjat mund të shkaktoj sëmundje hemorragjike , e cila është një patologji që godet foshnjat shumë të vogla dhe e cila në të njëjtën kohë mund të provokoj gjakderdhje në tru, të një shkalle shumë të rëndë. Në kohën e lindjes së fëmijës, niveli i vitaminës K1 në gjak dhe në mëlçi është i ulët pasi që vitamina nuk mund të kaloj përmes placentës në sasi të mjaftueshme. Për më tepër, në foshnjat nuk mund të bëhet fjalë për sintezë të vitaminës K para se të jetë formuar flora normale bakteriale e zorrëve, ndërsa anë anën tjetër furnizimi përmes qumështit të nënës është në shkallë jashtëzakonisht të ulët.
Prandaj, është e domosdoshme që vitamina K të përdoret në formë të integratorëve ushqimorë, që nga orët e para të jetës së foshnjes e deri në muajin e gjashtë të lindjes.
Dozimi:
Nga 0 – 3 vjeç: doza e rekomanduar është
3 pika në ditë, që janë të barasvlershme me
5 mcg të vitamins D3 (200 IU) dhe 25 mcg të
vitaminës K1.
Mbi moshën 3 vjeç: doza e rekomanduar
është 6 pika në ditë, që janë të barasvlershme me 10 mcg të vitaminës D3 (400 IU) dhe 50 mcg të vitaminës K1 .

Përbërësit: Ujë, glicerinë, ksilitol, hidroksietilcelulozë,benzoat natriumi, hialuronat natriumi, xhel me aloe barbadensis, pantenol, sorbat kaliumi, dikalium glicirizat, acid citrik.OROXAN® - xhel mund të përdoret për të parandaluar dëmtimet e vogla në gojë (afte, stomatit dhe inflamacion i xhinxhivave) si pasojë i gingivitit apo nga përdorimi i aparateve ortodontike dhe dentare. OROXAN® – xhel është një xhel me përbërës me veprim sinergjik i formuluar për të mbajtur ekuilibrin e mukozës orale, integriteti i së cilës është themelor për shumë funksione që kryen. Acidi hialuronik si ingredient në OROXAN® – xhel është i dobishëm në hidratimin e mukozës orale e cila është tharë nga barnat apo trajtimet tjera.
Aloe vera stimulon formimin e fibroblasteve, të cilat janë prekursorë të qelizave epiteliale dhe indit lidhor. Dikalium glicirinizati është përbërësi veprues i bimës Likuirizia, veprimi antiinflamator i së cilës rezulton në frenimin e fosfolipazës A2, e cila luan një rol të rëndësishëm në proceset e ndryshme inflamatore. Për më tepër acidi glicirizik e frenon veprimin e ciklo-oksigjenazës dhe formimin e prostaglandinave.
Secili përbërës forcon veprimin sinergjik dhe i jep produktit OROXAN® – xhel veti zbutëse,veti mbrojtëse natyrale dhe ndihmon në riepitelizimin fiziologjik.
Mënyra e përdorimit: Vendoseni produktin në gishtat tuaj dhe aplikojeni me kujdes në pjesën e mukozës të prekur nga inflamacioni.

Lëndët vepruese: Një kapsulë përmban: Boronicë e kuqe 120 mg, D-Manozë 120 mg, Lactobacillus rhamnosus 10-20 miliard UFC/g i tindalizuar, Vitaminë D3 0.015 mg, Vitaminë C 50 mg, Fruta të Serenoa repens 320 mg (nga të cilat 45 % acide yndyrore totale, 144 mg), Lule të Hibiscus sabdariffa 120 mg, L-Metioninë 50 mg .
Indikimet: Boronica e kuqe, Serenoa repens dhe Hibiscus sabdariffa veprojnë së bxaashku për të përmirësuar eliminimin e lëngjeve trupore, luftojnë çrregullimet e traktit urinar të poshtëm dhe ndihmojnë në funksionin e rrugëve urinare.
Lactobacillus rhamnosus rregullon ekuilibrin e florës intestinale dhe në veçanti ndihmon në zhdukjen e bakterieve patogjene që shkaktojnë cistit (Escherichia coli). Ekstrakti i boronicës së kuqe dhe D-Manoza ndihmojnë në infeksionet e rrugëve urinare duke parandaluar ngjitjen e bakterieve të dëmshme në muret e fshikëzës urinare.
Mënyra e përdorimit: Të merret një kapsulë në ditë.

Lëndët vepruese:
Një qese përmban Citrat kaliumi 1 g
Indikimet: Citrag përdoret për ta bërë urinën më pak acidike. Ky efekt u ndihmon veshkave që të nxjerrin acidin urik duke ndihmuar në këtë mënyrë në parandalimin e podagrës(gutës) dhe gurëve në veshka. Ky produkt gjithashtu ndihmon në parandalimin dhe trajtimin e problemeve të caktuara metabolike (acidoza) e shkaktuar nga sëmundjet e veshkave.
Indikimet. Të merren 1 – 2 qese në ditë duke e tretur përmbajtjen e qeses në një gotë me ujë.

(Lëndë lehtësuese për zbutjen e ushtimës së veshit, përmes veprimit natyral qetësues dhe relaksues)
● Përmirëson mikroqarkullimin dhe qarkullimin periferik të gjakut
● Ndikon përmes një veprimi kapilaro-protektiv.
● Kundërshton simptomatologjinë e lidhur me stresin.
● Kundërshton ngacmueshmërinë në nivelin e sistemit nervor qendror.
Lëndët funksionale:
Murrizi: Lëndë që ndihmon në normalizimin e shtypjes arteriale të gjakut dhe qetësimin e sistemit nervor qendror.
Valeriana: Valeriana me veprimet e saj qetësuese dhe rehatuese i kombinon efektet pozitive në koordinimin motorik dhe në përqendrim.
Sumbullarja (Lupuli): Lëndë e cila ndihmon për të luftuar pagjumësinë dhe ngacmueshmërinë e rritur të sistemit nervor qendror.
Triptofani: Aminoacid esencial dhe pararendës i serotoninës, melatoninës dhe një lëndë që ndihmon për të trajtuar simptomat e lehta dhe të moderuara të depresionit.
Ginkgo biloba: Favorizon veprimin fiziologjik enëzgjerues (vazodilatatorë) në funksionet cerebrovaskulare.
Vitaminat: A, B1, B2 B6, B12 ,C: Grup vitaminash të dobishme për të luftuar simptomat e stresit, nervozizmit dhe ngacmueshmërisë.
Dozimi: Një apo dy tableta në ditë. Parapëlqehet të merret para gjumit.

Përbërja: 100 % ujë deti i holluar me tretësirë izotonike sterile.
Indikimet: Fluimar monodozë është i përshtatshëm për fëmijët deri në fëmijërinë e hershme për përdorim në formë pikash apo për pastrim.
● Për higjienën e përditshme të vrimave të hundës.
● Në rast të mbylljes së vrimave të hundës, për të ndihmuar në eliminimin e mukusit.
● Si plotësues në trajtimin kundër inflamacionit të sistemit respirator.
Dozimi:
● Për higjienën e përditshme: nga 1 deri në 4 pika në ditë në secilën vrimë të hundës.
● Në rast të mbylljes së vrimave të hundës:
Nga 4 deri në 6 herë në ditë në çdo vrimë të hundës sipas nevojës, para aplikimit të trajtimeve të tjera lokale.

Përbërësit: Ujë deti i përqendruar, fosfat kaliumi monobazik, fosfat kaliumi dybazik, ujë. Pa konzervues
Indikimet: Përmes veprimit të tij efikas në pastrimin dhe hidratimin e hapësirës së hundës ndikohet veçanërisht për:
● Lirimin e hundës nga sekrecionet e tepërta.
● Largimin e polenit dhe të alergjenëve
●Higienën e përditshme të fëmijëve dhe të rriturve.
Mënyra e përdorimit: Për një veprim efikas janë të mjaftueshme 2 – 3 inhalime për secilën vrimë të hundës. Zgjateni spërkatjen rreth 2 sekonda.
Përdorimi i Fluimar sprej mund të bëhet deri në 4 herë në ditë, me siguri të plotë.

Lëndët vepruese: Një qese(3 g) përmban:
N-Acetilcisteinë ............................................. 600 mg,
Ribolife (nga të cilat nukleotide 44 mg) ........100 mg
Astragalus membranaceus (ekstrakt i thatë)......100 mg
nga të cilat polisakaride .................................. .70 mg
Ananas comosus (ekstrakt i thatë i kërcellit) ...164 mg
nga e cila bromelinë .......................................0.49 mg
Zink .............................................................. .....10 mg
Indikimet: Riboflu është një formulim inovativ i cila ka veprim të fuqishëm mukolitik dhe
fluidifikues, veprim të fuqishëm imunostimulues, antiinflamator dhe antiedematoz. Dozat e larta
të N-Acetilcisteinës sigurojnë veprime të fuqishme në hollimin e mukusit bronkial, madje edhe në ato raste kur janë të pranishme bakteriet dhe viruset.
Riboflu përdoret në trajtimin e sëmundjeve respiratore nga hipersekretimi i trashë dhe viskoz, siç janë bronkiti akut ,bronkiti kronik dhe ndërlikimet që vijnë prej tyre.
Dozimi: Këshillohet të merret një qese RIBOFLU në ditë, duke e tretur në një gotë me ujë.

Lëndët vepruese:
Një tabletë orale (oribletë) përmban:
N-Acetilcisteinë ........................... 50 mg Vaj esencial i sherbelës ................ 14 mg Vitaminë C................................... 20 mg
● N-acetilcisteina falë veprimit të saj mukolitik dhe fluidifikues mbi sekrecionet e mukozës, është veçanërisht e përshtatshme si terapi ndihmëse në fazat akute dhe kronike të sëmundjeve të sistemit respirator të karakterizuara me sekrecione të dendura dhe viskoze të mukozës.
● Vitamina C kontribuon në mbrojtjen e qelizave nga stresi oksidues dhe në funksionin normal të sistemit imunitar. ● Vaji esencial i sherebelës është i dobishëm për mirëqenien e hundës dhe të fytit. Mënyra e përdorimit: Përdorini deri në 4 oribleta Riboflu Salvia Gola në ditë.

Përbërësit: Ujë, glicerinë, ekstrakt i rrënjëve të kthetrës së djallit (harpagophytum procumbens), ekstrakt i bishtkalit (Equisetum arvense), dimetil sulfon, kartilag i peshkaqenit, kopolimer i akrilatit të natriumit, polioksipropilen (PPG- 1 tridecil - 6).
Indikimet: CARTIFLEX është një xhel me veprim sinergjik, sipas kërkesave më të fundit mbi të cilat bazohet mjekësia. Kjo do të thotë që përbërja e tij mbështetet nga të dhënat më të fundit shkencore të gjetura në literaturën mjekësore për të garantuar efektshmërinë maksimale të produktit. Veprimi sinergjik i përbërësve të veçantë,kur aplikohen në mënyrë lokale, ndihmon sistemin osteoartikular në të gjitha ato raste kur duhet një ndihmë e jashtme, për shembull në kombinim me terapitë e njohura siç janë antiinflamatorët josteroid apo kortikosteroidet. Me një fjalë CARTIFLEX, edhepse nuk është një bar, është i dobishëm për të ruajtur integritetin fiziologjik të nyjeve dhe për të luftuar proceset degjenerative të artrozave. Veshtullia (viskoziteti) e produktit CARTIFLEX e bën atë të përshtatshëm për çdo lloj trajtimi fizioterapeutik.
Mënyra e përdorimit: Aplikojeni xhelin në pjesët e trupit ku ka dhimbje, 2-3 herë në ditë (sipas nevojës).

Lëndët vepruese:
Glukozaminë sulfat …………………………………….. 540 mg
Kondroitin sulfat ………………….…………………….. 400 mg
Metilsulfonil metan ( MSM)…….………………………. 100 mg
Kolagjen .............................................................................100 mg
Boswellia serrata. Ekstrakt i thatë..................................... 100 mg
Vitaminë C …………………………………………..……. 60 mg
Ribolife(44 %)....................................................................... 40 mg
Vitaminë D3 ( kolekalciferol )……………………...…...... 10 mcg
Arpagophitum ( thua i djallit ) ………………………......… 60 mg
Selen ………………………………………………......……83 mcg
Indikimet: Veprimi sinergjik i përbërësve të veçantë, është në gjendje të veprojë në nivele të ndryshme, duke i mundësuar këtij suplementi dietal forcimin e nyjeve dhe eshtrave në të gjitha ato situata ku është e nevojshme furnizimi i organizmit me energjinë e mjaftueshme në mënyrë që të fuqizohen edhe më shumë terapitë tjera, siç është terapia me antiinflamatorë josteroid dhe me kortikosteroide. Me fjalë të tjera CARTIFLEX përkundër faktit që është një shtesë dietale dhe jo një bar, është i dobishëm në forcimin e integritetit fiziologjik të nyjeve. CARTIFLEX është i dobishëm në të gjitha rastet e artriteve degjenerative për shkak të marrjes së ulur përmes dietës apo kërkesave të rritura ushqimore.
CARTIFLEX indikohet në trajtimin e:
● Osteoartriteve
Ijet,gjunjët, këmbët dhe kyqet e këmbëve, supet, rizartrozat
● Kondropative
Të lidhura me moshën , post traumatike, nga mbingarkesa funksionale, nga sportet dhe nga lodhja.
● Tendinopative
Epikondiliti, tendinopative të shputave, tendinopative insercionale të “thembrës së Akilit”, tendinopative insercionale të gjurit, sindromit të shuplakës rrotulluese, tendiniteve akute dhe kronike.
Mënyra e përdorimit: 1 tabletë në ditë.

Lënda vepruese: L-argininë
Indikimet: Bioarginina përdoret si produkt ndihmës në oligoastenospermitë dhe në hipozomitë. Gjen përdorim edhe në asteni dhe në gjendjet tjera të lodhjes.
Dozimi: Në oligoastenospermi: 3 flakone në ditë për një periudhë prej 2-3 muajsh. Në hipozomi: 1 flakon në ditë te fëmijët nën 6 vjeç dhe 2 flakone në ditë te fëmijët mbi 6 vjeç. Në lodhje dhe asteni: 1 – 2 flakona në ditë. Preparati merret nga goja dhe mund të hollohet me ujë.

Përbërësit: Tretësirë laktuloze 50 %, lëng kumbulle i përqendruar (prunus domestica), lëng tamarinde i përqendruar (tamarindus indica L), Inulinë, manitol ngafruktoza dhe nga frashëri (Fraxinus ornus), ekstrakt i tharë nga rrënja e bimës Althaea officinalis E/D:1/4.
Indikimi: Indikohet për trajtimin opstipacionit (kapsllëkut).
Dozimi: Të rriturit: Doza e rekomanduar është 5 ml 2- 3 herë në ditë.
Fëmijët: Doza e rekomanduar është 2.5 ml 1- 3 herë në ditë.

Përbërësit: Bikarbonat natriumi, acid citrik, ekstrakt i tharë i frutit të gjembgomarit i titulluar 10 % me silimarinë (Silybum marianum, Gaertn.), lëndë aromatike.
Si përdoret DIGERPLUS®?
Shtesë ushqimore me ekstrakt të tharë të qumështit të frutit të gjembgomarit (Silybum marianum) dhe me lëndë ëmbëlsuese.Qumështi i gjembgomarit (Silybum marianum) përdoret për të ndihmuar funksionin e mëlçisë dhe atë të tretjes së ushqimit.
Dozimi: Doza e rekomanduar është 1 qese (100 mg silimarinë) gjatë ushqimit, duke e tretur drejtpërdrejtë në gojë.